Sport

Cosafa Cup 2021 Tsy handray anjara ny Barea

Sport
Talata 06 Jolay 2021

Araka ny fampitam-baovao voaray omaly alina dia mijanona tsy hiatrika ny Cosafa Cup 2021 ny ekipam-pirenena malagasin’ny baolina kitra na efa nanoman-tena teny “Carion” andro maromaro aza izay.

Noho ny fisian´ny valanaretina Coronavirus "Variant Delta" mandripaka olona maro atsy Afrika Atsimo no antony. Nanaiky ny fanapahan-kevitra ireo Barea, hoy hatrany ny fampitam-baovao. Raha ny fanampim-panazavana voaray kosa dia ny fanomanana ny tompondakan’i Afrika ho an’ireo mpilalao avy eto an-toerana na CHAN, izay afaka herinandro vitsy, no mbola hotohizana.

J. Mirija