Sport

Copa America Vao manomboka dia resy sahady ry Messi

Sport
Alatsinainy 17 Jona 2019

Nanomboka ny sabotsy 15 jona teo ka hifarana ny alahady 07 jolay 2019 ny Copa America 2019 atao any Brezila.

Voalohany nandritra ny 40 taona izay no resy teo amin’ny nanombohany ny fifaninanana Copa America i Argentine tarihan’i Lionel Messi. Resin’i Colombie 2-0 ry zareo tamin’ny sabotsy alina teo. Baolina matin’i Roger Martinez (71e) sy Duvan Zapata (86e) no niantoka ny fandresen’ny Kolombianina. Amin’ny alarobia 19 jona no hiatrika ny andro faha-2 ry zareo ao amin’ny vondrona B : Colombie # Qatar any Sao Paulo ary Argentine # Paraguay any Belo Horizonte.

Vokatra andro voalohany hafa 15 jona sy 16 jona : Brésil 3 – 0 Bolivie (A) ; Venezuala 0 - 0 Perou.

Ntsoavina Evariste