Sport

Combats de défi Kick Boxing Ho tontosaina amin’ny 4 aogositra izao

Sport
Alatsinainy 22 Jolay 2019

Etsy amin'ny kianja mitafon'i Mahamasina amin'ny alahady 4 aogositra 2019 ho avy izao no hanatanterahana ny Combats de défi Kick Boxing.

Ady mahatratra 20 be izao no ho tontosaina manomboka amin’ny 1 ora tolakandro tsy diso amin’io andro io, hoy i Me Alain Michel mpiakarakara miaraka amin’ny klioba miisa 3 dia ny klioba Super Eagles ( Me Francis) sy ny klioba Aigle Vert ( Me Jeannot) ary ny klioba Dragon (Me Marilyn). Eo ambany fiahian’ny seksion'ny kick boxing eny Atsimondrano ny hetsika. NIsy ny dinika nifanaovan’ireo mpikaraka ny hetsika tamin’ny solontenan’ireo klioba 14 eto Analamanga handray anjara amin'izany hetsika izany tamin’ny sabotsy 20 jolay 2019 teo tetsy amin’ny Dojo Cospn Mahamasina ka nahafantarana fa hisy ny lalao "Grand Prix" hoan'ny sokajin-danja 57 sy 60 kg amin’ireo ady 20 hatao ireo.

Ntsoavina Evariste