Sport

CNaPS Sport Nitsahatra i Leda sy Jolce

Sport
Talata 12 Janoary 2021

Androany alatsinainy 11 janoary 2021 no anaovanay mirahalahy, Jolce Junior

Rakotonirina sy Leda Sandratra Mathieu Lafatramaharo, fanambarana aminareo fa hijanona tanteraka tsy ho mpilalao baolina kitra amin'ny sehatra avo intsony eto Madagasikara izahay. Io no fanambarana miaraka nataon’ireto mpilalaon’ny CNaPS Sport teo aloha ireto tao amin’ny tambazotran-tseraserany omaly. Hifantoka tanteraka amin'ny asa aman'andraikitra amin'izay izahay ary koa amin'ny fikarakarana ny ankohonana. Nandritra izay taona maromaro izay nilalaovanay izay raha atao ny kajikajy dia 2 volana ao anatin’ny iray taona izahay no mba mahita ny vady aman-janakay. Mafy izany kanefa tsy maintsy niaretana. Misaotra anareo izay nanohana hatramin'izay sy ianareo izay nanakiana koa. Nanome tso-drano ny zandrikely mba hisongadina moa izy mirahalahy ireto teo am-pamaranana.

J. Mirija