Sport

CNaPS SPORT Nanolotra fanampiana ho an�ireo tra-boina

Sport
Alarobia 11 Febroary 2015

Araka ny antontan�isan�ny BNGRC ny alatsinainy 09 febroary 2015 tamin�ny 06 ora hariva dia mahatratra 12 194 ireo tra-boinan�ny rivo-doza Fundi tany amin�ny Distrikan�i Morombe, Toliara I sy II. Miisa 1462 ny trano tratran�ny tondra-drano ary 1123 ny trano rava. 03 kosa ireo olona namoy ny ainy ary mirefy 273ha ny tanimbary safo-drano.

Manoloana izany rehetra izany dia tonga nanatevin-daharana ireo mpanome tolo-tanana ny ekipan’ny CNaPS SPORT Foot-ball ka nanolotra vola ho an’ireo tra-boinan’ny kere sy ny rivo-doza nifanesy. Notsiahivin’i Dr Mihaja Andrianaivo avy eo anivon’ny klioba CNaPS SPORT Foot-ball kosa fa efa nisy ny fanampiana nomen’ny fianakaviam-ben’ny CNaPS ireo tra-boina tamin’ny 20 janoary lasa teo. Matoa mbola nitondra ny anjara birikiny ny mpilalao hoy izy dia satria ankoatry ny fanatanjahan-tena dia tezaina ihany koa ireo mpilalao mba handray andraikitra manoloana ny voina mianjady amin’ny mpiara-belona eto amin’ny firenena.Ny alakamisy 12 febroary izao moa no hanainga ho any Nairobi hifanandrina amin’ny ekipan’ny Gormaya sady hiaro ny voninahi-pirenena ireto ekipan’ny CNaPS Sport ireto.

Nangonin’i RTT