Sport

CNaPS Sport Madagasikara Handray ny A.E RAMASSA avy any Barcelone

Sport
Talata 17 Aprily 2018

Handray ny ekipan’ny A.E RAMASSA avy any Barcelone.Espagne amin’ny lalaom-piralahiana hifanaovana eo amin’ny taranja baolina kitra eny amin’ny « complexe sportif » eny Vontovorona ny alahady faha-22 aprily ho avy izao ny ekipa tompondakan’i Madagasikara, ny CNaPS Sport Itasy.

Ho fampiraisana ny tanora Malgasy amin’ny fanatrarana ny tanjon’ny fampandrosoana lovain-jafy laharana faha-16 » izay tsy inona fa ny fandriampahalemana ny fahamarinana ary ny fandalana ny rafitra mahomby ilain’ny vahoaka Malagasy no antom-pisian’ny hetsika. Hataon’ireto ekipa 2 hifaninana ireto ho fanoitra hampanjakana ny firindran’ny fiarahamonina sy ny fiarahany mientana ny lalao baolina kitra ihany koa ary natao hitarihana ny tanora hamaha am-pilaminana ny fifandirana misy ity lalao ity. Farany hamporisihana azy ireo hiady amin’ny kolikoly sy handray anjara feno amin’ny fitarihana maha-olom-pirenena sy hiady amin’ny hery setra isan-karazany. Hiditra maimaimpoana ny mpijery miisa 2000 tonga voalohany eny amin’ny kianja sentetikan’i Vontovorona amin’io faha-22 aprily 2018 io ary ho tolorana fanomezana manokana ihany koa ireo olona 1000 voalohany mividy tapakila 1000 ariary fidirana eny amin’ny gradins amin’ity lalao ity. Tohanan’ny Consulat Honoraire an’i Espagne sy ny PNUD ary ny Ministeran’ny tanora sy fanatanjahantena Malagasy sy ny FMF ary ny Groupe Filatex ny hetsika.

Ntsoavina Evariste