Sport

Cnaps sport Ho fantatra amin�ny alahady ny mpifanandrina aminy

Sport
Alakamisy 03 Martsa 2016

Ny alahady 6 martsa ho avy izao no ho fantatra ny ekipa hifanandrina amin�ny Cnaps Sport amin�ny dingan�ny ampahenina ambin�ny folon-dalan�ny fiadiana ny tompondakan�i Afrika ho an�ny isan-tarika.

Amin’io andro io no hotondroin’ny kaonfederasiona afrikanina ny baolina kitra hanatontosana ny lalao miverina eo amin’ny ekipan’ny Us Douanes avy any Niamey Niger sy ny Wydad Kazablanka avy any Maraoka ho an’ny dingan’ny savaranon’ando izay tokony ho natao tany Niamey ny 28 febroary teo saingy tsy tontosa satria tsy afaka niditra ny fadintseranana ny mpilalao maraokanina noho ny fitokonana tao Niamey ny faran’ny herinandro teo. Tsy miova ny toerana hanaovana ny lalao miverina. Tsiahivina hatrany fa efa nandresy tamin’ny isa 2-0 ny Wydad Kazablanka nandritra ny lalao mandroso natao tany Kazablanka, Maraoka. Tsy misy fiovana kosa ny fandaharan-potoana fa ny herinandron’ny 11, 12 na 13 martsa no hatao ny lalao mandroso ary ny 19 martsa no hanaovana ny lalao miverina any amin’ny kianja monisipalin’i Mahajanga.