Sport

Partagé sur :
• facebook

Nambaran’ny ministry ny tanora sy fanatanjahantena Malagasy, Andriamosarisoa Jean Anicet, ambangovangony tamin’ny mpanao gazety tetsy amin’ny birao fiasana tetsy Andohan’Analakely, tamin’ny sabotsy 13 janoary teo, ny praogramanasa taona 2018 ho tanterahin’ity ministera tarihany ity.

 Lohalaharana amin’izany, hoy izy, ny fanomantsika ny lalao Cjsoi 2018 ho tontosaina any Djibouti amin’ny 20-28 aprily 2018 ka hiroso amin’ny fampivondronana sy fanomanana an’ireo atleta hiatrika izany isika manomboka izao mba hanana vokatra tsaratsara kokoa noho ny tamin’ny lalao natao teto amintsika tamin’ny 2016. Isika rahateo no filoha am-perinasan’ity Cjsoi ity ka tsy tokony handraraka ilo mby an-doha, hoy ingahy ministra. Hisy fanomanan-tena ho tanterahina any Chine hoan’ireo izay voafidin’ny manam-pahaizana Sinoa hitsirika ny atleta Malagasy amin’io volana febroary io. 88 ireo ho fantenina farany amin’izany ka ho 16 isaky ny taranja 5 handraisantsika anjara (Atletisma, Lomano, Tesisy ambony latabatra, Badminton ary Halterophilie).

Manaraka izany dia manomana koa isika ny Lalao olimpika amin’ny andro ririnina, ny lalao olimpikan’ny tanora, ny lalao afrikanina 2019 ho tontosaina any Maorisy, ny lalao olimpika 2020 ho tontosaina any Tokyo Japon. Niova ho Centre National de Sport Etude ny ivotoeram-pampiofanana spaoro eto amintsika ary ho tohizana koa ny fampiroboroboana ny Sport Scolaire Malagasy. Ho jerena koa ny amin’ny fanatanjahantena iraisan’ny mpiasam-panjakana rehetra.

Ntsoavina Evariste

Tia Tanindrazana

Samia mijoro ho an'i Gasikara.