Sport

Cjsoi Football 2018 Resin’i La Réunion tamin’ny tir aux buts 6-5 i Madagasikara

Sport
Alatsinainy 30 Aprily 2018

Nikatona ny sabotsy 28 aprily teo tany Djibouti ny lalaon’ny CJSOI andiany faha-11.

Tsy dia misy azo ambara firy mikasika ny lanonam-pamaranana sy ny vokatra ofisialy rehetra mikasika an’ity fifaninanana ity na tamin-dry zareo avy any Djibouti mpampiiantrano na tamin’ireo nosy rahavavy, La Réunion sy Maurice, mpilaza vaovao tsy tapaka saika isan’andro mikasika ny fahombiazan’ireo altletany na avy amin’ny delegasiona Malagasy izay bobaka be araka ny fomba filaza. Ny hany mba azontsika ambara dia ny vaovao mahakasika ny lalao baolina kitra nalefan’ireo olon-tsotra namana avy amin’ny alalan’ilay fifandraisana Js Foot ka nahafantarana fa lavon’ny ekipan’i La Réunion tamin’ny tir aux buts 6-5 ny mpilalao U 17 Malagasy teo amin’ny famaranana ny baolina kitra rehefa tsy nahatafiditra ny baolina faha-6 farany nodakana. 1-1 no isa nisarahan’ny 2 tonta teo amin’ny fe-potoana ara-dalàna 40 mn x 2.

Ntsoavina Evariste