Sport

Partagé sur :
• facebook

Misoratra amin’ny tantaran’ny baolika kitra Malagasy ny zavaditan’ny Barea CHAN halina tany Constantine – Alzeria.Tafiakatra amin’ny ampahefa-dalan’ny CHAN 2022 ny ekipan’ny coach Roro

rehefa nandavo ny Soudanais tamin’ny isa mazava tsara 3 – 0. Tafiditra tamin’ny fidirana voalohany avokoa ireo boalina telo ireo, ka i Tsiry laharana faha -13 no nampiditra ny baolina voalohany teo amin’ny minisitra faha 13. Taorian’ny fanafihana nianga avy any amin’ny elatra avanana sy ny tootra tsara fipetraka kossa no nanakobanan’I Koloina fanindroany ny haraton’i Mustafa; daka mandrivorivo tsara pirina tany amin’ny zoron’ny harato, ary sokajian’ny mpitantara ny lalao ho anisan’ny baolina maty tsara indrindra tao anatin’ny CHAN 2022 . Nanindry hatrany Malagasy teo amin’ny fifehezana ny baolina sy ny fanafihana, na dia teo aza ny fahaverezam-baolina ihany aloha.Nody ventiny ny rano natsakaina fa dia namono baolina fanintelony indray i Lalaina teo amin’ny minitra faha -34, mbola fanafihana niainga avy any amin’ny elatra avanana ihany nentin’i Dax, nalatsany tao ami’i Jean Yves ary namarana azy i Lalaina. Niezaka ry zareo Soudanais tamin’ny fidirana faharoa saingy efa tsy nahovoka firy ary hita ihany hoe efa nivoraka . Voafidy ho mpilalao mendrika indrindra i Koloina, manana isa 9 i Madagasikara ary laharana voalohany ao amin’ny vondrona misy azy. I Mozambika no hifandona amin’ny Madagasikara ny sabotsy 28 janoary izao.
Nangonin’i RTT

Tia Tanindrazana

Samia mijoro ho an'i Gasikara.