Sport

CHAN 2020 andiany faha-6 Ahiana ny tsy hahatonsa azy any Cameroun indray

Sport
Alarobia 11 Martsa 2020

Manoloana ny fahitana ny "coronavirus" any Cameroun izay firenena voantendry handray ny dingana famaranana ny

CHAN 2020 izay hanomboka ny 4 ka hatramin'ny 25 aprily 2020 izao, dia mampanahy be ihany ny ho avin'izany satria dia efa nananomboka tamin’ny zoma 06 martsa 2020 lasa teo no efa tonga ao Cameroun ity areti-mandoza ity ka lasa mapisavoritaka tanteraka ny CAF sy ny FECA “ Federasiona Kameroney ny Baolina kitra” izany. Hatreto aloha dia mbola tsy tena nandray fepetra hentitra mahakasika an’izany ny CAF fa mbola manara-maso ny fivoaran’ny toe-draharaha fotsiny saingy tsy azo hiodivirana ny mety ho fanafonana indray an’ity fifaninanana CHAN 2020 tokony hatao any Cameroun ity na dia efa vita tamin’ny alatsinainy 17 febroary 2020 lasa teo aza ny an-tsapaka amin’ireo ekipa iray vondrona amin’izany.

VONDRONA 4 AMIN’NY CHAN 2020

Marihana fa ny firenena 9 amin'ireo 16 handray anjara amin'ity CHAN ity dia efa saika ahitana an’ity trangana "coronavirus" ity avokoa. Hampahatsiahivina fa firenena maro no efa nandray fanapahan-kevitra nanafoana ny lalao iraisam-pirenena noho ity aretina ity tahaka ny nosy Maurice izay nanafoana ny fiadiana ny ho tompon-dakan’i Afrika eo amin'ny taranja fibatana fonjamby izay tokony ho tanterahina any aminy ny 13 ka hatramin’ny 20 aprily 2020 izao.

Ntsoavina Evariste