Sport

Champions League Matsiatra Ambony Hifanandrina amin’ny andro faha-5 ny Zanakala Fc sy Fc Lam

Sport
Talata 24 Aprily 2018

Mbola mitarika amin’ny isa 12 ny ekipan’ny Zanakala Fc arahan’ny Fomela isa 10, ny Fc Lam isa 08 ary ny Akon’Ambatomena isa 07,

eo amin’ny fiadiana ny ho tompondakan’ny ligin’ny baolina kitra ao Mahatsiatra Ambony na ny Champions League any an-toerana, taorian’ny vokatra azo tamin’ny andro faha-4 ny fifaninanana tontosa tamin’ny faran’ny herinandro teo

(sabotsy 21 sy alahady 22 aprily 2018) : Zanakala Fc 5 – 0 Maria Manjaka Fc ; As Jirama 1 – 3 Fcb ; Vas-Y Boaikely 1 – 3 Suca Foot ; Le Relais Fc 0 – 2 Akon’Ambatomena ; Fomela Club 0 – 0 Fc Lam.

Hangotraka ny fifandonan’ny Zanakala Fc laharana 1 sy ny Fc Lam laharana faha-3 eo amin’ny andro faha-5 ny fifaninanana izay ho tontosaina ao amin’ny kianja Ampasambazaha Fianarantsoa ny 29 aprily izao hialohavan’ny fihaonan’ny Akon’Ambatomena sy ny Maria Manjaka Fc ary ny Le Relais Fc sy ny As Jirama. Ny sabotsy 28 aprily kosa ny fihaonan’ny Vas-Y Boaikely sy ny Fcb ao Ampasambazaha ihany . Any amin’ny kianjan’Ambalavao kosa no hifanandrina amin’ny 29 aprily ny Fomela Club sy ny Suca Foot.

Ntsoavina Evariste