Sport

Champions league Atsimondrano Nobatain’ny AS Sainte Anne Bongatsara ny amboara

Sport
Talata 05 Jolay 2022

Niady dia niady ny lalao famaranana ny Champions league Atsimondrano izay notohizana ny alahady teo noho ny olana ara-toetr’andro tamin’ny herinandro.

Nobatain’ny ekipan’ny AS Sainte Anne avy ao Bongatsara moa no niafarany ny amboara ary izy ireo, araka izany, no nahazo ilay lelavola mitentina 2 tapitrisa Ariary avy amin’ny mpikarakara ny fifaninanana dia ny depiote Andry Ratsivahiny. Nisaraka ady sahala 1 noho 1 ity klioba ity sy ny mpifanandrina aminy dia ny ekipan’ny Tanjombato Centre nandritry ny fe-potoana ara-dalana. Tao anatin’ny fanalavam-potoana kosa no nahatafidiran’ny ekipan’I Bongatsara ny baolina faharoa nitondra azy ireo tany amin’ny fandresena tamin’ny alalan’ny moka foy 2 noho 1.
J. Mirija