Sport

“Champions League” any Eoropa Norombahin’i Liverpool ny amboara 2018-2019

Sport
Alatsinainy 03 Jona 2019

14 taona aty aorian’ny nandrombahany ny anaram-boninahitra farany dia voahosotra ho tompon’ny amboaran’ny “Champions League any Eoropa” indray ny ekipan’i Liverpool avy any Angletera.

Fisalorana fanin’enina an’ity anaram-boninahitra Eoropeanina ity io azony tamin’ny sabotsy 01 jona 2019 io, tao amin’ny kianja “Wanda Metropolitano de Madrid” any Espaina, rehefa nandresy 2-0 ny ekipan’i Tottenham avy any Angletera koa izy. Ny nahafatesan’i Mohamed Salah ny penality azon’i Liverpool vao teo amin’ny 2 minitra nilalaovana monja sy ny fahombiazan’ilay mpiandry harato Brezilianina no azo ambara fa tena fototry ny fahombiazan’i Liverpool ary mbola nampian’i Divock Origi baolina iray indray io 3 minitra tsy hiravan’ny lalao. Marihina fa andiany faha-64 amin’ny fiadiana ny amboaran’i Eoropa eo amin’ny ekipa tompondaka ity “Champion’s League 2018-2019 azon’i Liverpool ity.

Ntsoavina Evariste