Sport

Partagé sur :
• facebook

Mbola nanjakan’ny DREN Atsimo Andrefana toy ny tamin’ny andiany voalohany notontosaina tany Mahajanga indray ny fifaninanana nasionaly fiadiana ny Tompondakan’ny Fanatanjahantena an-tsekoly

andiany faharoa notontosaina tany Toliara Atsimo Andrefana ny 28 septambra ka hatramin’ny 7 oktobra 2018 lasa teo. Ry zareo no nandrombaka ny medaly volamena be indrindra niisa 6 teo amin’ny taranja fototra Atletisma. Nitana ny laharana faha-2 i DIANA, medaly volamena 2, volafotsy 2 ary alimo 2. Faha-3 i Alaotra Mangoro volamena 2, volafotsy 1.

Teo amin’ny taranja iombonana dia mbola i Atsimo Andrefana ihany niaraka tamin’i Boeny no nitana ny laharana 1 nahazo medaly volamena 2. Faha-2 nitovy ihany koa samy nahazo medaly volamena 1 avy i Ihorombe sy Analanjirofo ary Betsiboka.

Mbola i Atsimo Andrefana ihany koa no  voahosotra ho delegasiona mendrika indrindra nahazo fitambarana medaly 8 izay volamena avokoa, faharoa i DIANA volamena 2, volafotsy 2 ary alimo 1. Faha-3 i Boeny volamena 2, volafotsy 1 ary alimo 2.

Baolina kitra

Zazalahy : Ceg  Maroantsetra Analanjirofo   3  - 1  Epp Fanjava Sofia

Zazavavy : Epp Andranomangatsiaka Betsiboka   2 – 1  Ceg Mandoto Vakinankaratra

Basket-Ball

Zatovolahy :  Ceg Vohémar SAVA   87  -  68   Ste Thérése DIANA

Zatovovavy : Ceg Charles Renel Boeny   76  -    71  Ceg Analamahitsy Analamanga

Volley-Ball

Zatovolahy : Lycée Antaninarenina Atsimo Andrefana   3   Seta  0  Lycée Vincent de Paul Atsimo Atsinanana

Ste Jeanne d’Arc Boeny   3 seta  0  David Jones Atsinanana

Hand-Ball

Zatovolahy : Lycée Mixte Atsimo Andrefana   32  -  23   Lycée Luthérien Betroka Anosy

Zatovovavy : Lycée Privée NyA Ihorombe   16  -   13  Lycée Catholique Atsimo Atsinanana

Ntsoavina Evariste

Tia Tanindrazana

Samia mijoro ho an'i Gasikara.