Sport

Championnat National N1B Hommes 2018 Anio hariva ny lanonam-panokafana

Sport
Sabotsy 28 Aprily 2018

Hanomboka anio sabotsy marainan’ny 28 aprily etsy Mahamasina ny fiadiana ny ho tompondakan’i Madagasikara taranja basikety baolina sokajy N 1 B lehilahy.

Ny ekipan’ny Mbc A/nanana sy ny Usf M/ambony (D) no hanomboka izany ety amin’ny kianja ivelan’i Mahamasina amin’ny 10:00 maraina. Ao anatin’ny kianja mitafon’i Mahamasina kosa amin’ny 10:00 ihany dia hisy ny fihaonan’ny Ngb Analamanga sy ny As Chicago Diana (C) arahin’ny As Fanalamanga A/ Mangoro sy ny Tac bb A/manga (D) amin’ny 12:00 ary ny Ecbba A/manga sy ny Ncbb Boeny amin’ny 14:00. Aorian’ny fotoam-panokafana amin’ny 16:00 kosa no hifandonan’ny Cnaps Itasy sy Dtsc A/manga (A) amin’ny 16:30.

Fizaram-bondron’ireo mpifaninanana :

Poule A : - DTSC Analamanga ; - CNAPS Itasy ; - ABBS Analanjirofo ; - TEAM BB Betsiboka
Poule B : - NCBB Boeny ; - ECBBA Analamanga ; - CBBU Vakinankaratra ; - USBBA Alaotra Mangoro
Poule C : - AS CHCAGO Diana ; - NGB Analamanga ; - BCO Boeny ; - SBC Vakinankaratra
Poule D : - AS FANALAMANGA Alaotra Mangoro ; - TAC BB Analamanga ; - MBC Atsinanana ; - ASB Itasy ; - USF Haute Matsiatra.

Ntsoavina Evariste