Sport

« Championnat National de Rugby Scolaire » Tompondakan’ny « Axe Centre » ny Analamanga lahy sy vavy

Sport
Alatsinainy 24 Jona 2019

Tontosa tetsy amin’ny kianjan’Antanimena tamin’ny sabotsy 22 jona 2019 lasa teo ny fifanintsanana fiadiana ny tompondaka nasionalin’ny « rugby scolaire 2019 axe centre »

andiany faha-3 niarahan’ny Malagasy Rugby, ny minisiteran’ny tanora sy fanatanjahantena, ny minisiteran’ny fanabeazam-pirenena Malagasy ary ny fikambanana « Terres en Mêlées Malagasy» nikarakara. Voahosotra ho tompondaka tamin’izany ka hisolotena an’ity « Axe centre » ity any amin’ny famaranana ny fanatanjahantena an-tsekoly nasionaly taona 2019, taranja rugby, hotanterahina any Toamasina amin’ny 18-27 oktobra 2019 , ny ekipa zazalahy sy zazavavin’Analamanga (GEG Bemasoandro sy Ecole Privée Tafitasoa Sab Nam) nanoloana an’ireo ekipa solontenan’ny Faritra 4 nifaninana taminy (Vakinankaratra, Bongolava, Menabe ary Melaky). Nambaran-dRtoa Marie Julia Gony filohan’ny « Terres en Mêlées Malagasy » fa efa vita tahaka ny « Axe Centre » ny fifaninanana tany amin’ny « Axe Sud Centre » sy tany amin’ny « Axe Côte Saphir ». Sisa tavela ny fifaninanana any amin’ny « Axe Est » hotontosaina amin’ny 5 sy 6 jolay izao any Toamasina sy ny « Axe Nord » hotontosaina any Ambanja amin’ny 13-14 jolay

2019.

Ntsoavina Evariste