Sport

Partagé sur :
• facebook

Ny Dgs ao amin’ny minisiteran’ny tanora sy fanatanjahantena Malagasy, Rtoa Rosa Rakotozafy, izay nisolotena ny minisitra Tinoka Roberto,

 no tonga nanokatra ofisialy ny hetsika CCCHOI “Coupe des Clubs Champions Handisports de l’Océan Indien” andiany faha-18 tetsy amin’ny Lapan’ny fanatanjahantena sy kolontsaina Malagasy tetsy Mahamasina; omaly talata 03 desambra 2019, notroninin’ny fianakaviamben’ny Handisports avy amin’ny nosy 5 (La Réunion, Maurice, Comores ary Madagasikara mpampiantrano). Taorian’ny filaharana nataon’ireo delegasion’ireo nosy 4 ireo sy ny lahateny nataon’ny filohan’ny “Madagascar Paralympic Committee”, Atoa Monja Dinard, niarahaba ny vahiny sy ny fampisehoana fihetsika mirindra nataon’ny mpikambana La Femme “Association des femmes handicapées de Madagascar” no nandray fitenenana fohy ity Dgs Malagasy ity ka nanipika ny maha zava-dehibe ny lalaon’ny manana fahasembanana Malagasy izay tafiditra ao anatin’ny spaoro izay fanoitra hamerenana ny hambompom-pirenena araka ny voafaritra ny velirano nataon’ny filoham-pirenena Malagasy. Lalao “basket en fauteuil roulant” no nanombohana ny fifaninanana rehetra ka nibatan’ny ekipa Malagasy fandresena voalohany tamin’ny alalan’ny lalao nifanandrinan’ny Toliara (Mad 1) sy ny Reonioney (46-45).

Vokatr’ireo lalao hafa : Comores 32 – 85 Maurices ; Cosahp (Mad 2) 35 – 68 Toliara (Mad 1).

Manomboka amin’ny 9 ora ny tohin’ny lalao basket etsy amin’ny  lapan’ny fanatanjahantena Mahamasina anio alarobia andro faha-2.

Ntsoavina Evariste

Tia Tanindrazana

Samia mijoro ho an'i Gasikara.