Sport

Carolus Andria “Tsara ny fifandraisanay ao amin’ny Barea”

Sport
Alakamisy 11 Martsa 2021

Naneho ny heviny manoloana ireo fanaratsiana ny mpanazatra ny ekipam-pirenena Malagasin’ny baolina kitra, Nicolas Dupuis,

sy ireo mpilalaon'ny Barea nandeha be tato ho ato ny lohalaharana Malagasy, Carolus Andria. Isan'ireo voahendrikendrika sy nisy nanaratsy koa moa ity mpilalao ity, raha ny fanazavany. Nilaza izy fa gaga izy mivady raha nahita ireo mpanao gazety namoaka vaovao nanendrikendrika azy amin'ny zavatra tsy misy fantany. Nanamafy izy fa tsara ny fifandraisana eo aminy sy i Nicolas Dupuis ary manohana ny mpanazatra sy miaraka 100% amin'ny Barea hatrany izy. Tsy marina noho izany ny resaka ezahana aparitaka momba azy sy ny ny mpanazatra izay niha nahazo vahana tato ho ato satria fantatra fa misy maniry ny hikorontanan'ny ekipam-pirenena sy hanakivy ireo mpilalao sy mpanazatra mba tsy ahatafakarana amin'ny CAN 2022, hoy hatrany ny fanazavany. Tsara ny fifandraisanay ao amin’ny Barea, hoy izy.

J. Mirija