Sport

CAN EGYPTE 2019 Nivoaka ny Mascotte « Sary famantarana »

Sport
Alarobia 22 Mey 2019

Iray volana katroka aty alohan’ny hanombohan’ny andiany faha-32 amin’ny fifaninanana baolina kitra Afrikanina CAN 2019 hotontosaina

any Egypte manomboka ny 21 jona ka hifarany ny 19 jolay ho avy izao dia navoakan’ny komity mpikarakara ny hetsika Egiptianina ofisialy tamin’ny alahady lasa teo ny Mascotte « Sary famantarana ny lalao » antsoina hoe « Tut » izay nalaina avy amin’ny Faraona malaza Toutankhamon. Mampiseho ankizy faraona kely 12 taona misalotra loko menan’ny ekipam-pirenena Egiptianina ny sary famantarana ny Can 2019 ary hiakatra eny ambony kianja filalaovana hatrany amin’ny fiandohan’ny lalao rehetra hotontosaina.

Marihana fa ny ekipam-pirenen’i Egypte mpampiantrano sy ny ekipam-pirenena Zimbabweanina ao amin’ny Vondrona A no hanokatra ny Can 2019 amin’ny zoma 21 jona amin’ny 9 ora alina iraisam-pirenena any Le Caire.

Ntsoavina Evariste