CAN 2025

Amin’ny septambra ny valin’adin’ny Barea amin’i Tonizia

Sport
Alatsinainy 08 Jolay 2024

Amin’ny septambra 2024, eo anelanelan’ny faha 2 hatramin’ny faha 10n’ny volana eo,

izany ny valin’adin’ny ekipam-pirenena malagasin’ny baolina kitra na Barean’i Madagasikara amin’ny Voromaherin’i Carthagen’i Tonizia, raha ny fandaharam-potoana voaray momba ny fifanintsanana ahazoana ny tapakilan’ny amboaran’i Afrika manaraka na CAN 2025 voaray ny faran’ny herinandro teo. Ry zareo tonizianina mihitsy no hihaona amintsika ny andro voalohany ary ny kaomorianina no faharoa. Aorian’izay dia avy hatrany dia ny ekipam-pirenena gambianina no manohy izany amin’ny andro faha 3 sy faha 4 eo anelanelan’ny 7 hatramin’ny 15 oktobra 2024 eo. Eo anelanelan’ny 11 hatramin’ny 19 novambra kosa no ho tontosaina ny andro faha 5, izay hanaovantsika ny lalao miverina amin’i Tonizia, sy ny andro faha 6 farany hiverenantsika mihaona amin’ny Coalencathes atsy Kaomoro indray. Efa latsaky ny 2 volana sahady izany, araka izany, dia hoavy ny sedra voalohany eo amin’izay CAN 2025 izay.
J. Mirija