CAN 2023

Voatazona koa i Alzeria sy Cameroun

Sport
Alarobia 17 Janoary 2024

Hafahafa ity CAN any Côte d'Ivoire ity raha izao fandehany izao.

Tena tsy misy ekipa kely intsony raha ny lalao alatsinainy no jerena. Iza moa no nanampo fa ho voatazon'ny Guinée ny Liona tsy azo folahina avy any Cameroun. Nisaraka ady sahala 1 noho 1 ny roa tonta ary dia tsy nisy natokona ny Cameroun na dia efa nilalao folo aza ny Guinée. Tetsy andaniny indray raha noheverina fa ho isan'ireo mety handrombaka ny Amboara ny Fennecs avy any Alzeria dia voatazon'ny Palencas Negras avy any Angola 1 noho 1 indray. Ny Angola anefa tena tsy afaka tamin'ny Barea raha tsy nahavita nanao fahagagana tao anaty volana vitsivitsy. Saika mpilalao avy eo an-tanàna anefa no mandrafitra ny Angola miampy olona vitsivitsy any Portugal tsy dia hoe noho ny fahaizany fa noho ny fiteny mitovy..Zanatany Portugais tokoa mantsy i Angola ka voazanaka hatramin'ny fomba filalaony satria dia miala any amin'ny sisiny foana ny fanafihana entiny. Hatreto aloha izany ankoatran'i Sonegaly dia mbola tsy tena hita izay mafy be. Miandry izay afitsok'i Maraoka angamba vao mety mazava ny resaka.
Clément RABARY