Sport

CAN 2023 Afaka ihany koa i Guinée

Sport
Alatsinainy 29 Janoary 2024

Hiady ny ampahefa-dalana i Guinée rehefa nandresy ny Guinée Équatoriale omaly alina.

Tany amin'ny fotoana fanampiny (90+8) vao vaky ny atody. Nahazo penalty anefa ny Guinée Équatoriale (69) saingy tsy matin'i Emilio Nsue izany fa nidona tamin'ny tsatoby ny dakany ary nivoaka. Taloha kelin'io anefa dia nahazo karatra mena ny mpilalaon'ny Guinée Équatoriale, Bikoro. Nanomboka teo dia niaro-tena sisa no nataon'ny Nzalang Nacional, anarana hiantsoana ny ekipam-pirenen'i Guinée Équatoriale. Nanindry noho izany ny Sili Nacional ary nahita io baolina matin'i Bayo izay tolotra tsara avy any amin'i Diakité. Hihaona amin'izay nandresy tamin'ny maraina teo amin'ny RD Congo sy Égypte.
Clément RABARY