Sport

CAN 2021 Ahemotra amin’ny 2022

Sport
Alarobia 01 Jolay 2020

Efa ela no nandinihana ny mety ho fipetraky ny fanatanterahana ny tompondakan’i Afrika eo amin’ny taranja baolina kitra andiany manaraka tao anatin’izao ahamehana ara-pahasalamana vokatry ny COVID 19 izao ho an’ny kaonfederasionina afrikanina na CAF.

Tapaka omaly taorian’ny fivoriana an-tranonkalan’ireo komity mpanatanteraka na “Webinaire” fa tsy misy azo atao afa-tsy ny tena fanemorana amin’ny taona 2022 ny fiadiana izay ho tompondakan’I Afrika manaraka. Tena ahemotra amin’ny 2022 izany ny CAN 2021, raha atao amin’ny fomba filaza somary mivazivazy. Mikasika ny ekipam-pirenena Malagasy na ny Barea manokana moa na dia eo aza izany dia mbola mitohy hatrany ny fihezahana manatevina ny traikefan’ireo mpilalao efa eo saingy mitohy toy izany koa ny fikarohana ireo mpilalao vaovao hanatsarana izany sy ho mpandimby ihany koa.

J. Mirija