Sport

CAN 2019 andiany faha-32 I Kenya sy ny Barea no tonga farany tany Egypte

Sport
Alakamisy 20 Jona 2019

Andro iray mialoha ny hanombohan’ny fifaninanana CAN 2019 hotontosaina any Egypte anio alakamisy 20 jona 2019.

Tamin’ny talata 18 jona teo dia ny ekipam-pirenen’i Kenya sy ny Barean’i Madagascar no nigadona farany tao amin’ny seranam-piaramanidina Mohammed V any Le Caire Egypte tamin’ireo ekipa 24 handray anjara amin’ny fifaninanana. Fitsenana niavaka no nandraisan’ireo Malagasy any Egypte azy ireo tao amin’io seranam-piaramanidina io nialoha ny nitondran’ny fiarabe voatokana ho azy ireo any amin’ny hotely hipetrahany. Vonona ireo mpilalaon’ny Barea hiatrika an’ity CAN andiany faha-32 ity. Tsiahivina fa amin’ny sabotsy 22 jona izao amin’ny 11alina ora Malagasy no hiakatra kianja voalohany any Alexandrie ka hikatroka amin’i Burundi ny Barea Malagasy.

Ntsoavina Evariste