Sport

Bundesliga Alemana Nanampy ara-bola an'ireo ekipa madinika ireo klioba vaventy miisa 4

Sport
Alakamisy 02 Aprily 2020

Raha miatrika fahasahiranana ara-bola goavana avokoa ny ankamaroan'ireo klioba fanta-daza any Eoropa any ankehitriny ka

voatery nampihena ny karaman'ireo mpilalao ao aminy noho ny fihanaky ny
coronavirus maneran-tany dia hafa noho izany kosa no miseho any
Allemagne fa namory lelavola 20 tapitrisa euros hatao "fond de
solidarité" hanampiana an'ireo klioba marefon'ny Bundesliga sy ny
sokajy D-2 avy amin'izy ireo ny ekipa vaventy 4 any an-toeran toa an'i
Bayern Munich, Dortmund, Leipzig ary Leverkusen. Mbola vonona ny
hanampy an'ireo kliobana baolina kitra matihanina mba hanalefahana ny
vesatra ara-bola mahazo azy ireo noho ny fihanaky ny coronavirus.
Tianay hampiseho amin'izao tontolo izao fa fifanohanan'ny rehetra
tokoa ny baolina kitra amin'izao andro sarotra izao, hoy ny
filohan'ny Bayern Munich, Karl-Heinz Rummenigge.

Ntsoavina Evariste