Sport

Boxe Française Savate – Ligin’Analamanga Hangotraka ny « Grand Combat 2017 » rahampitso

Sport
Sabotsy 09 Desambra 2017

Hangotraka ny « Grand Combat 2017 » Boxe Française Savate hotontosaina etsy amin’ny kianja mitafon’i Mahamasina rahampitso alahady 10 desambra tolakandro.

Hifanandrina ireo kalaza eo amin’ity taranja ity toa an-dry Jacquinot, Fetison, Zo Noella (Cadet), Hary Nomenjanahary Santatra … Hetsika izay karakarain’ny ligin’ity taranja ity tarihan’ny filohany, Rakotovao Hary Tiana, ary eo ambany fiahian’ny federasion’ny Boxe Française Savate Malagasy tarihan’ny filohany, Campa Amedé sy ny tohan’ny Tournesol Andoharanofotsy. Nambaran’Atoa Hary Tiana fa ho famaranana ny taom-pilalaovana 2017 eto Analamanga sy ho fanatanterahana ny vina napetraka dia ny tsy hatoritorian’ny taranja Boxe Savate intsony ka tsy maintsy hanatanterahana « Gala » 3 isan-taona raha kely indrindra. « Combat » miisa 15 no hatrehana amin’ity hetsika ity izay nanasana ny mpikatroky ny ligin’Alaotra Mangoro sy Vakinankaratra manokana. Hisy ihany koa « combats pancrace sy kempo ary M.M.A miisa 6 hiaraka amin’izany.

Ntsoavina Evariste