Sport

Bolida sy ny Paris FC Efa any amin’ny Ligue 1 ny ila-tongotra

Sport
Talata 06 Oktobra 2020

Azo lazaina ho fahombiazana nodimbiasam-pahombiazana hatrany tato ho ato ireo lalao natrehin-dry Lalaina Nomenjanahary na i Bolida sy ny ekipany ao amin’ny Paris FC, divizionina faharoa frantsay.

Tamin’ny isa mavesatra 3 noho 0 indray ny alahady teo no nandresen-drizalahy an’i Le Havre eo amin’izay fifaninanam-pirenena ho an’ny Ligue 2 ao Frantsa izay. Mitana ny laharana voalohany eo amin’ny fifaninanana, araka izany hatreto ity malagasy ity sy ny Paris FC. Ny Grenoble foot 38, misy ilay Barea, Jérôme Mombris, ihany koa anefa no mitana ny laharana faharoa. Ity farany moa izay miatrika olana noho ny fisiana mpilalao maromaro voan’ny Covid 19 ao aminy ary voatery tsy niatrika ny lalao tokony nataon’izy ireo farany. Tsiahivina hatrany fa ao anatin’izay mpilalao mitondra ny Coronavirus izay i Mombris. Etsy ankilany dia azo lazaina ho efa any amin’ny Ligue 1 kosa izany hatreto aloha ny ila-tongotry ry Bolida sy ny ekipany.

J. Mirija