Sport

Bisikileta � Tour de Congo Mpihazakazaka enina hiaro ny voninahi-pirenena

Sport
Alarobia 10 Jona 2015

Hiatrika fanindroany ilay fifaninanana iraisam-pirenena amin�ny hazakazaka am-bisikileta fihodinkodinana an�ny RD Congo indray isika Malagasy. Ekipa iray misy mpihazakazaka enina no hihazo an�i Congo ahitana an-dRakotondrasoa Jean de Dieu na Ravoatabia, Randrianantenaina Emile,

Randrianambinina Roger, Hasina Gilbert, Joharivelo Andrianjaka ary i Miarantsoa Njakatiana Dama. Tsiahivina fa lah-3 tamin’ireo firenena 17 nandray anjara isika Malagasy tamin’ny andiany tamin’ny taon-dasa. Mikasika ny fifaninanana dia ny 15-24 jona no hizoran’izy io ary misy dingana valo izay mirefy 800km latsaka kely. Efa nisongadina tamin’ny andiany 2014 io i Emile izay nandrombaka dingana iray. Ny alakamisy 11 jona izao no hanainga ny delegasiona malagasy. Mikasika ireo hetsika eto an-tanàna kosa dia hotanterahina ny alahady maraina izao manomboka amin’ny 10 ora eny amin’ny Marais Masay ny fiadiana ny tompondakan’Analamanga ka voakasik’izany ny sokajy “senior” izay hiatrika ny halaviran-dalana 80km sy ny “cadet” izay hiatrika ny 40km. Taorian’ireo fitsapana nifanesisesy tamin’ny fihanihana havoana dia ny fitsapana ny hafainganam-pandeha amin’ny lalana marindrano indray izao no himasoan’ny ligin’Analamanga araka ny nambaran’i Naly filohany.

Rasanda Serge