Sport

Bisikileta Azon�i Herizo ny �piste�, lasan�i Firmin ny �VTT�

Sport
Talata 23 Martsa 2010

Niara-nikarakara fifaninanana nentina nanokafana ny taom-pilalaovana 2010 ireo seksiona efatra eto Analamanga nahitana an’Antananarivo renivohitra, Avaradrano, Atsimondrano ary Ambohidratrimo niaraka tamin’ny Dolly Production izay mpikarakara hetsika ara-panatanjahantena. Fihodinkodinana ny farihin’Anosy no hetsika nokarakarain’izy ireo ny alahady maraina teo izay nahitana sokajim-pifaninanana maro. Nandrombaka ny laharana voalohany teo amin’ny piste Rabemananjara Herizo (Colas) narahin-dRakotohasimbola Céléstin (Colas). Marihina fa najanona ny fifaninanana izay tokony ho fihodinana in-30 ny farihy rehefa tratran’izy mirahalahy ireo ny andian’ireo mpihazakazaka (peloton) teo amin’ny fihodinana faha-27. Very anjavony tany anaty peloton moa ry Ravoatabia tamin’io fifaninanana io. Nandrombaka ny laharana voalohany tamin’ny Vtt izay in-20 mihodina ny farihy kosa Randimbiarison Firmin (Ostie) izay nahavita fotoana 1 :00 :14. Ankoatra ireo dia nisy ihany koa ny sokajy veteran izay lasan’i Pascal, ny super veteran nosaloran’i Elodie (UCM) ary ny Cadet azon’i Tifana (CCAMI). Afaka tapa-bolana indray ny fifaninanana manaraka hokarakarain’ity vondrona seksiona ity ka course en ligne hivoaka ny faritra izy io.

Hery Rabe