Sport

Big Soma An�arivony ireo nanao �carnaval� fanokafana

Sport
Alatsinainy 03 Aogositra 2015

Nahatratra an�arivony ireo nandray anjara tamin�ny �carnaval� fanokafana ny �Big Soma� natao ny sabotsy teo tany Mahajanga izay niainga teo amin�ny lapan�ny Tan�na, nandalo an�i Mahabibo ary nifarana teny amin�ny Village Touristique.

Nandray anjara tamin’izany ireo mpianatry ny oniversite izay anisan’ny mpikarakara miaraka amin’ny kaominina, nahitana koa ireo mpilalao baskety lahy sy vavy hiatrika ny fifaninanana baskety lalaovin’olon-telo. Vao nanaovana kianja eo amoron-dranomasina mihitsy moa ity taranja ity izay hanaovana koa ny fifaninanana “dunk” sy tifitra ahazoana isa telo. Ny fampisehoan’i Jean Aimé teo amin’ny torapasika no namarana ny lanonam-panokafana. Efa natomboka ihany koa ny fifanintsanan’ny beach soccer ho an’ireo ekipa 64 avy amin’ny fokontany. Ny 28-30 aogositra izao moa no hanaovana ireo famaranana rehetra isan-taranja. Efa tonga any an-toerana koa ireo mpilalao beach soccer reniôney hifandona amin’ny ekipa voafantin’i Boeny, Menabe ary Atsinanana. “Tanjona ny fitaizana ireo tanora izay tsapa fa lasa goragora ka ny fanatanjahantena no lalana akaiky hanarenana izany mba ahazoana olom-pirenena mandray andraikitra sahy miatrika ny fiainany”, araka ny nambaran’ny filoha mpanorina ny fikambanana Soma Beach, Robimanana Orlando.

Rasanda Serge