Sport

Betafo Antsirabe Am-perinasa ny “Ecole de Foot-ball FIBEMIH”

Sport
Zoma 06 Jolay 2018

Fanomeza-tanana ny mpiara-belona amin’ny fanampiana ara-tsosialy sy ara-panabeazana ary fampiofanana isan-karazany ny tanora no nimasoan’ny FIBEMIH na ny FIkambanan’i BEtafo MIray Hina, tao anatin’ny 14 taona nijoroany.

Fantatra izao fa efa manana ny ivontoerana azy manokana ity fikambanana ity ankehitriny dia ny “CENTRE FIBEMIH” ao Imerimandroso Atsinanantsena Betafo izay hanatanterahana ny hetsika fanampiana ara-tsosialy rehetra ataony ao amin’ny distrikan’i Betafo Antsirabe. Tao, ohatra, no nanatanterahan-dry zareo ny fifaninanan-kira sy dihy natokana ho an’ny ankizy 5-12 taona tamin’ny fetim-pirenena farany teo. Nambaran-dRatiariniaina Jean Théobert na Rathéo filohany koa, izay miezaka samirery manatontosa ireo hetsika karakarain’ny Fibemih hatreto, fa efa tena am-perinasa tanteraka koa amin’izao fotoana izao ny “Ecole de foot-ball Fibemih” nantsangan’izy ireo ka efa nandray anjara tamin’ny “Tournoi Foot à 7 sy à 9” nokarakarain’ny Fibemih tao amin’ny Oratorio Don Bosco farany teo.

Ntsoavina Evariste