Sport

Beach soccer � Mondial Lavon�i Rosia koa i Madagasikara

Sport
Alatsinainy 13 Jolay 2015

Notapahan�i Rosia ny nofinofy hiatrika ny dingan�ny famaranan�ny fiadiana ny amboara eran-tany amin�ny baolina kitra lalaovina amin�ny torapasika izay atao any amin�ny torapasik�i Espunho Portugal.

Taorian’ny efa nandavoan’i Tahiti antsika malagasy (3-4) tamin’ny lalao voalohan’ny vondrona D ny zoma teo dia niondrika teo anatrehan’i Rosia, tompon’ny anaramboninahitra tamin’ny isa 4-2 indray omaly ny Barea tamin’ny andro fah-2. Efa nitarika mazava 3-0 ry zareo rosianina tany am-piandohana ka tompomarika tamin’ny fampidiram-baolina i Ilya Leonov (5’) niampy ny pao-droan’i Kirill Romanov (6’, 8’). Taorian’io no niezaka nanenjika ny Barea ary nahafaty baolina roa tamin’ny alalan-dRasolomandimby Bernardin (16’) sy Randriamampandry Tokindrainy (18’). Mbola nahatafiditra baolina fah-4 ho an’ny rosianina i Yury Krasheninnikov (34’). Mbola hihaona amin’i Paragoay moa i Madagasikara rahampitso talata, andro faran’ny fifanintsanana izay tsy hamerina ny tapakilan’ny ampahefa-dalana efa votsotra intsony.

Rasanda Serge