Sport

Beach soccer � Mondial Hifanandrina amin�i Tahiti anio i Madagasikara

Sport
Zoma 10 Jolay 2015

Efa raikitra nanomboka ny alakamisy teo ny fiadiana ny amboara erantany amin�ny baolina kitra lalaovina amin�ny torapasika izay atao any amin�ny torapasik�i Espinho Portugal (9-19 jolay)

. Hiatrika ny lalaony voalohany anio ny Barea ary hifandona amin’i Tahiti. Ara-taratasy dia manatombo i Madagasikara, tompondakan’i Afrika izay lah-19 manerantany raha lah-33 io ekipa hifanehatra aminy voalohany io. Anio amin’ny 6 ora hariva ora malagasy no hanomboka io fihaonana io. Ny alahady 12 jolay amin’ny 4 ora sy sasany tolakandro kosa ny Barea dia hihaona amin’ny rosianina izay tompon’ny anaramboninahitra farany ary ny talata 14 jolay amin’ny 6 ora hariva ny lalao fah-3 farany ao anaty vondrona hifanandrinana amin’i Paragoay, solontenan’i Amerika atsimo. Marihina fa mila tafiditra laharana roa voalohany isika Malagasy vao afaka hahazo ny tapakilan’ny dingan’ny famaranana.

Rasanda Serge