Sport

Beach Soccer Maro Ray ny fandresena

Sport
Alarobia 22 Aprily 2015

Horaisina amin�ny fomba manetriketrika ny Barean�i Madagasikara eo amin�ny taranja Beach soccer anio. Rariny loatra izany raha ny ezaka vitan�ireo tanorantsika nitondra avo ny voninahi-pirenena malagasy,

nandrombaka ny tompondakan’i Afrika ary hiatrika ihany koa ny fiadiana ny tompondaka erantany. Fa ny tiana hasian-teny dia ho maro indray izany izao ny hilaza fa nanao ny ainy tsy ho zavatra tamin’ny nahazoana izany anaram-boninahitra izany. Ny fandresena tokoa mantsy maro ny rainy. Raha nisy ny olona tena nampiroborobo ny Beach soccer teto Madagasikara dia ny ligin’i Menabe sy ny ligin ‘Analanjirofo. Tsy dia nahasarika olona firy ity taranja ity, eny fa na dia ny komity mpanatanteraky ny federasiona malagasy ny baolina kitra aza. Soritana anefa fa hain’ny mpanao fanatanjahantena malagasy ity taranja ity na dia somary vaovao ihany aza. Nandritra ny andiany voalohany tamin’ny fiadiana ny tompondakan’i Madagasikara tany Toamasina dia tongan’i Torcelin Randriamamonjy, sady mpanazatra no mpanao gazety, teo amin’ny famaranana ny ekipan’Analamanga izay tsy nanana morontsiraka ilalaovana akory. Eny Ambony fasika mantsy no anaovana ity lalao kitra ity. Ka raha misy ny fahombiazana ankehitriny dia tokony hanaja tena ireo mpanabe takolaka fa aoka izay tena nifofotra nampandeha ity taranja ity no mendrika hisaorana sy hojerena.