Sport

Beach soccer � Afrika Tompondaka i Madagasikara ary hanao Mondial any Portugal

Sport
Alatsinainy 20 Aprily 2015

Ela ny ela, voahosotra ho tompondakan�i Afrika i Madagasikara amin�ny baolina kitra lalaovina amin�ny torapasika na ny Beach soccer.

Lavon’ny Barea tamin’ny famaranana efa tany amin’ny “tirs au but” omaly hariva ny Senegaley tamin’ny isa 2-1 raha sahala 1-1 hatreo amin’ny faran’ny fe-potoana ara-dalàna. Marihina fa i Sénégal no tompon’ny anaramboninahitra farany ary efa in-telo nisalotra izany. Tsy nety nahatohitra ary tsy afa-bela tamin’i Madagasikara izany ity ekipa tompondakan’i Afrika teo aloha ity satria efa lavon’ny Malagasy 3-2 koa izy ireo tamin’ny fifanintsanam-bondrona. I Côte d’Ivoire kosa no lavontsika Malagasy tamin’ny manasa-dalana efa tany amin’ny “tirs au but” ihany koa (4-4, 3-2). Sambany teo amin’ny tantara no handeha hiatrika ny fiadiana ny amboara erantany hatao any Portugal ny 9-19 jolay izany i Madagasikara. Ekipa fah-2 nahazo ny tapakila kosa i Sénégal. Raha ny filaharana taorian’ny fiadian-toerana dia fah-3 i Nizeria izay nandresy 9-1 an’i Côte d’Ivoire, lah-5 i Maroc nandresy an’i Ejipta (3-1) ary lah-7 i Ghana nandresy an’i Seisela (12-1).

Rasanda Serge