Sport

Baskety � Smatch in Nanao pao-droa ny Essca

Sport
Talata 15 Martsa 2016

Mahavory olona maro hatrany ny baskety. Nifarana ny alahady teo ny andiany fah-5 amin�ny �Smatch in�,

fifaninanana baskety ho an’ireo sekoly ambony eto an-drenivohitra ary avo lenta ihany koa ny endri-dalao. Noraofin’ny ESSCA avokoa ny amboara satria nanao pao-droa ity sekoly ity. Ny ESSCA tompon’anaramboninahitra lefitra 2015 moa dia nandavo an’ny INTH 101-89 tamin’ny famaranana. Ny ESSCA moa dia nandahatra an’ireo sangany toa an-dry Anthony, Lalason ary François ary ny INTH kosa nahitana an-dry Kevin sy Ronald. Nahavita valifaty koa ny ESSCA satria ny DEGS izay nandresy azy tamin’ny famaranana tamin’ny taon-dasa no nahintsany tamin’ny manasa-dalana. Mbola ny ESSCA ihany no tompondakan’ny vehivavy rehefa nanilika an’ny DEGS tamin’ny famaranana. Nandravahana ny famaranana moa ireo fifaninanana “dunk” sy tifi-davitra.

Rasanda Serge