Sport

Baskety � Federasiona Nahazo mpanohana matanjaka vaovao roa

Sport
Talata 14 Jolay 2015

Nampahafantarina ny sabotsy teo taorian�ny lanonam-panokafan�ny Afrobasket U16 zazavavy teny amin�ny lapan�ny fanatanjahantena Mahamasina fa niampy roa indray ireo mpanohana sy mpiray

ombonantoka amin’ny Federasiona Malagasin’ny Baskety Baolina (FMBB). Orinasa isan’ny goavana eto amintsika izy ireo dia ny Huawei izay mpikirakira ny finday sy tontolony ary ny Banky BNI Madagascar. Nanatrika ny fotoana ary nidera ny federasiona amin’izao firosoan’ny mpanohana miara-miasa amin’ny federasiona izao moa ny filohan’ny Fiba Afrika. Tsy mbola voafaritra mazava aloha ny votoatiny sy ny endriky ny fiarahamiasa fa efa natsidiky ny filohan’ny federasiona, Ramaroson Jean Michel kosa fa isan’ny hetsika efa hiandrandran’izy ireo ny fanohanana ato ho ato ny fifaninanana iraisampirenena aorian’ny Lalaon’ny nosy dia ny fiadiana ny amboaran’ny oseana Indiana ho an’ireo ekipa tompondaka izay hatao eto Antananarivo ny 7-14 septambra.

Rasanda Serge