Sport

Basket Tournoi St Sylvestre Lasan’ny BTS Analamahitsy ny ondry matavy

Sport
Alakamisy 03 Janoary 2019

Lasan’ny ekipan’ny BTS avy eny Analamahitsy ny ondry matavy natao amboara tamin’ny fifaninanana basikety « Tournoi St Sylvestre »

nokarakarain’ny mpikarakara hetsika Ekarakara Evt tarihan’ny filohany, Red Borgia, notanterahina nanomboka ny 22 ka nifarana ny 31 desambra 2018 ora vitsivitsy nialohan’ny fiafaran’ny taona 2018. Ny ekipan’ny DASOL avy eny Talatamaty no lavon-dry zareo 99-97 teo amin’ny lalao famaranana notanterahina teny amin’ny kianja Namehana. Marihana fa ny BTS dia nanilika ny BOLO 69-67 teo amin’ny lalao 1/2-famaranana ary ny DASOL nanintsana ny BCNA 114-92. Tsiahivina fa ekipa 8 nozaraina ho vondrona 2 no nandray anjara tamin’ity fifaninanana ity dia ny TEAM A Manandriana, BTS Analamahitsy, BCNA Namehana, ANOSY AVARATRA , BOLO Ankadikely, DASOL Talatamaty, VAMPI sy BANDY AKAMA Sabotsy Namehana.