Sport

Basket Tournoi du Baobab 2018 Namaranan’ny ligin’i Boeny ny taom-pilalaovana

Sport
Alarobia 02 Janoary 2019

Toy ny fanaon’ny ligin’ny basikety baolina any Boeny isaky ny volana desambra isan-taona dia tontosa tao amin’ny Complexe Sportif Mahajanga tamin’ny sabotsy 29 sy tamin’ny alahady 30 desambra lasa teo ny « Tournoi du Baobab » 2018 izay nifanandrify indrindra tamin’ny fanamarihana ny andiany faha-10 amin’ity fifaninanana ity.

Ekipan’i Boeny 10 no nandray anjara teo amin’ny sokajy Open lehilahy ary 4 kosa teo amin’ny Open vehivavy. Ekipa 2 ihany kosa no nandray anjara teo amin’ny sokajy U 14 zazavavy ary ekipa 3 kosa teo amin’ny U 14 zazalahy.

VOKATR’IREO LALAO FAMARANANA REHETRA

U14 zazavavy : SEPA vs JSB (58-13)

U14 zazalahy : JSB vs SEPA (57-41)

OPEN vehivavy : COUP DE POUCE vs FIVAZA (49-63)

VETERAN lehilahy : Veteran Tanà vs Sbbc (39-53)

OPEN lehilahy : Dca vs Jsb (86-84)

Nisy « match de gala » nifanandrinan’ny ekipa voafantin’ny Fmbb notarihan’ny filohany Jean Michel Ramaroson sy ekipan’ny ligin’ny basikey any Boeny notarihan’ny filohany Arnaud Razafindraibe nialoha ireo famaranana rehetra ireo.

Ntsoavina Evariste