Sport

Basket Tompondaka rejionalin’Analamanga Lavon’ny Dream Team Analamanga ny Ecbba Atsimondrano

Sport
Alatsinainy 23 Aprily 2018

Noho ny praograman’asa voasoritry ny ligy izay tantanako amin’ny fanatanterahana ny fanapariahana ny lalao basikety any amin’ny seksiona manodidina, hoy ny filohan’ny ligin’ny basikety eto Analamanga, Rasolomalala Fidy,

dia nosafidiana handray ny dingana famarananan’ny ho tompondaka rejionalin’ny basikety N1B Analamanga sokajy lehilahy tamin’ity 2018 ity ny seksiona Ambohidratrimo raha tao Antananarivo-Renivohitra no nanatanterahana ny fifanintsanana rehetra. Notontosaina tao amin’ny kianjan’ny zandary tao Ambohidratrimo nandritra ny 2 andro, sabotsy 21 sy alahady 22 aprily 2018, izany fifaninanana izany ka nivoahan’ny ekipan’ny Dream Team Analamanga ho voalohany. Nitana ny laharana faha-2 kosa ny Ecbba Atsimondrano resiny teo amin’ny lalao famaranana, faha-3 ny ekipan’ny Ngb Avaradrano ary faha-4 ny Tac Bb Antananarivo-Renivohitra. Ho solontenan’Analamanga hiatrika ny ho tompondaka nasionaly N1 B ho tontosaina eto Antananarivo manomboka amin’ity herinandro ity ireo ekipa 3 voalohany tamin’ity fifaninanana ity.

Ntsoavina Evariste