Sport

Basket Tompondaka 2018 sokajy U 16 Nanao pao-droa ny Mb2All Analamanga

Sport
Talata 02 Oktobra 2018

Nifarana ny alahady teo tany Farafangana Faritra Atsimo Atsinanana ny fifaninanana basket fiadiana ny tompondakan’i Madagasikara sokajy U16 lahy sy vavy rehefa naharitra 9 andro be izao.

Nanao pao-droa ny ekipan’ny Mb2All Analamanga fa lasan’izy ireo avokoa ny anaram-boninahitra tompondakan’i Madagasikara 2018 sokajy U 16 na teo amin’ny sokajy lehilahy na teo amin’ny sokajy vehivavy. Ny Mb2All lahy nandavo ny Cospn 2 Atsinanana 64-48 ary ny Mb2All vavy kosa nandresy ny Ffpro Vakinankaratra 57-56.Nitana ny laharana faha-3 teo amin’ny lehilahy ny Asct Atsinanana nandresy ny Ffpro Bctm vakinankaratra 69-66 ary teo amin’ny vehivavy kosa ny Fandrasa Matsiatra Ambony nandavo ny Asut Atsinanana 58-50. Vohosotra ho mapampidi-baolina be indrindra vehivavy i Tang Miou Alicia/N°13/COSPN2 Atsinanana/ isa 107. Ny lehilahy kosa dia Randrianarivo Willy/N°6/FANDRASA Matsiatra ambony/ isa 164.Mpilalao mendrika indrindra vehivavy i Hanitrinomena Tokiniaina/N°14/MB2ALL Analamanga ary ny lehilahy kosa dia Andrianiaina Safidy/MB2ALL Analamanga

Ntsoavina Evariste