Sport

Basket Rdj Alley hoop 2K19 Rdj Ny Mb2All lahy sy vavy no handeha ho any Botswana

Sport
Alatsinainy 23 Septambra 2019

Norombahin'ny ekipan’ny MB2ALL lahy sy vavy avokoa ny anaram-boninahitra tamin'ilay Fifaninanana basket Rdj 3 x 3 Alley hoop 2K19 andiany faha-2 sokajy U 18 niaraha-nisalahy tamin’ny Fmbb sy ny Orange.

Resin’ny Mb2All lahy 22 - 10 ny ekipan’ny Dtsc teo amin’ny lalao famarana nontontosaina tetsy amin’ny “Parking” anatin’ny lapan’ny fanatanjahantena Mahamasina omaly alahady 22 septambra 2019. Ny ekipan’ny Fandrefiala kosa no lavon’ny Mb2All vehivavy 17 - 12 teo amin’izany famaranana izany.
Izy 8 mianadahy ireo izany no nahazo ny tapakila mankany Botswana hahazoana miatrika an’ilay Camp “Young Lions 3 x 3”ho tontosaina any an-toerana amin’ny 28 novambra ka hatramin’ny 02 desambra 2019.

Ntsoavina Evariste