Sport

Basket Play Off Alley Hoop 15 taonan’ny RDJ Natolotry ny tale jeneraly ny lokan’ireo nandresy

Sport
Sabotsy 13 Oktobra 2018

Hangotraka ny lalao Play Off amin’ny fifaninanana basket Alley Hoop karakarain’ny onjapeo RDJ 96.6 Fm nentina nanamarihana ny faha-15 taonany. Ireo ekipa 1 sy faha-2

isaky ny Boriborintany 6 miampy an’ireo ekipa faha-3 mendrika indrindra 4 no hiatrika ny lalao isam-bondrona indray, etsy amin’ny kianja ivelan’i Mahamasina, anio 13 sy rahampitso 14 oktobra 2018. Marihana fa tamin’ny talata teo tetsy Analakely misy ny foibeny no nanoloran’ny tale jeneralin’ity onjapeo ity, Tahiana Rasolojaona « Jaytax », ny lelavola fanampin’ny amboara an’ireo ekipa tompondaka isaky ny boriborintany 6 eto Iarivo.

Fa hotontosaina anio kosa any amin’ny kianja Bika Tsiroanomandidy ny ankatoky ny famaranana amin’ny fifaninanana nasionalin’ny Basket U 18 izay hifarana rahampitso alahady 14 oktobra 2018.

Ntsoavina Evariste