Sport

Basket Fiba 3 x 3 Africa Cup Qualifiers Fantatra ireo mpilalao Malagasy hiaro ny voninahim-pirenena

Sport
Sabotsy 28 Jolay 2018

Navoakan’ny FMBB « Federasion’ny Basikety Malagasy » omaly zoma fa ny mpilalao lehilahy Mandimbison Constant Fabrice,

Randriamampionona Elly, Kakay Enrico Fermi ary Loubacky Rick-Ley sy ireo mpilalao vehivavy Randriatahina Ravaka Sarobidy, Raholiarisoa Fanjatina Perle, Malazarivo Jocelyne ary Hajanirina Harisoa Muriel no voafidy hiaro ny voninahitr’i Madagasikara amin’ny lalao Basket Fiba 3 x 3 fifanintsanana Afrika aty amin’ny Vondrona A milalao aty Madagasikara hahazoana miatrika ny famaranana Fiba Afrique 3 x 3 2018 hotontosaina any Togo amin’ny volana septambra 2018. Vondrona tokana ahitana ekipa 6 mifaninana ny ao amin’ny sokajy lehilahy ka ny 4 voalohany amin’izy ireo dia samy handeha ho any Togo avokoa. Vondrona tokana ihany koa saingy ahitana ekipa 4 ny ao amin’ny sokajy vehivavy ka ny 3 voalohany amin’ireo kosa no hahazo tapakila mankany Togo. Hanomboka amin’ny 12 ora antoandro ny fihaonana anio sabotsy 28 jolay 2018 : Uganda # Tanazania (L) arahin’ny lalao : Madagascar # Rdc ka tsy hifarana raha tsy any amin’ny 7 ora hariva any etsy amin’ny Lapan’ny fanatanjahantena Mahamasina. Any amin’ny 4ora sy 10 tolakandro ny lanonam-panokafana ofisialy ny hetsika.

Ntsoavina Evariste