Sport

Basket “Coupe du Président” Nanomboka ny sabotsy teo any Toliara ny Play Offs

Sport
Talata 20 Martsa 2018

Natomboka sy nosokafana ofisialy tamin’ny sabotsy 17 martsa teo, tao amin’ny kianja mitafon’i Toliara ka haharitra hatramin’ny alahady 25 martsa ny dingana Play Offs tafiditra eo amin’ny fifaninanana fiadiana ny amboaran’ny filoham-pirenena andiany fahatelo eo amin’ny taranja Basikety Baolina.

Navondrona ao amin’ny vondrona 2 ireo ekipa isaky ny Faritra tafita amin’izany ka ao amin’ny Vondrona A no ahitana ny Cospn Analamanga, Bca Ihorombe, Sebam Boeny, ny Cnaps Itasy ary ny As Fanalamanga Alaotra Mangoro. Ao amin’ny Vondrona B kosa no misy ny Cosmos DIANA, Asb Itasy, Usf Matsiatra Ambony, Mb2All Analamanga, Jbc Atsimo Andrefana ary ny Cosfa Analamanga.

Vokatra azo tamin’ny andro faha-3 notontosaina omaly alatsinainy 19 martsa :

ASB (Itasy) 79 – 88 USF (H/M)

Bca (Ihorombe) 52 – 98 SEBAM (Boeny)

CNAPS (Itasy) 56 – 102 COSPN (A/manga)

Ny andro faha-4 no hotontosaina anio any Toliara

Ntsoavina Evariste