Sport

Basket Challenge Baobab andiany faha-10 Ekipa 10 no handrasana any Mahajanga ny 22-30 desambra izao

Sport
Alakamisy 20 Desambra 2018

Tapitra omaly alarobia 19 desambra 2018 ny fisoratana anarana hahazoana mandray anjara amin’ny fifaninanana basikety baolina “Challenge Baobab”

andiany faha-10 karakarain’ny ligim-paritry ny basikety baolina any Boeny izay ho tanterahina ao amin’ny Complexe Sportif any Mahajanga. . Nambaran’ny filohan’ity ligy ity, Razafindraibe Arnaud, fa noho ny antony fiatrehana ny fifidianana filoham-pirenena sy ny mifandraika aminy ankehitriny dia ligy 2 ihany no manana solontena hiatrika an’ity fifaninanana ity dia Betsiboka sy Boeny mpampiantrano. Ekipa miisa 9 eo amin’ny sokajy U 14 (vavy 4 sy vavy 5) sy ekipa sokajy Open miisa 15 (lehilahy 10 sy vehivavy 5) no fantatra fa handray anjara amin’ny fifaninanana. Mialohan’ny 1/2-famaranana sy ny lalao famaranana amin’ny 29 sy 30 desambra 2018 kosa dia hikatroka amin’ny lalao mandroso sy miverina ny Vétérans Tanà ho tarihan’ny filohan’ny FMBB sy ny Vétérans Ligy Boeny mihaotra ny 45 taona. Ao anatin’izany fanatanterahana ny famaranana izany koa no hanatanterahana ny fifaninanana “Dunk” sy ny fifaninana tifitra isa 3.

Ntsoavina Evariste