Sport

Basket BIG SÔMA 3x3 2019 Hangotraka ny fety any amin’ny torapasik’i Sôma Beach

Sport
Zoma 09 Aogositra 2019

Azo antoka fa hangotraka indray ny fetin’ny basikety ao amin’ny torapasik’i Sôma Beach any Mahajanga manomboka anio zoma 09 sy rahampitso sabotsy 10 ary amin’ny alahady 11 aogositra amin’ny

fikarakaran’ny fikambanana BIG SÔMA tarihan’ny filoha mpanorina azy, Orlando Robimanana miaraka amin’ny ligim-paritry ny taranja basikety any Boeny ary eo ambany fiahian’ny Federasiona Malagasin’ny Basket-Ball sy ireo mpanohana ny hetsika tarihan’ny Telma ny fifaninanana Basket Big Sôma 3x3 2019 natokana ho an’ny sokajy lehilahy sy sokajy vehivavy. Na izany aza, indro kely ny tsy mbola maha vakansy tanteraka ny andro eto amintsika amin’izao fotoana izao ka mety handiso paika an’ireo mpikarakara ihany. Marihina fa tontosa omaly alakamisy 08 aogositra takariva ny dinika teknika amin’ity fifaninanana ity.

Ntsoavina Evariste