Sport

Basket Be Seksiona Ambohidratrimo Nifarana ny sabotsy teo ny andiany voalohany

Sport
Alatsinainy 31 Desambra 2018

Nifarana tamin’ny sabotsy 29 desambra 2018 teo, teny amin’ny kianjan’ny RFI Ivato, ny andiany voalohany tamin’ny hetsika Basket Be nokarakarain’ny seksion’ny basikety baolina eny Ambohidratrimo.

Nambaran’ny filohan’ity seksiona ity, Rajoelimanantsoa Fidson Phaelien fa afa-po ry zareo mpikarakara tamin’ny ankapobeny fa tratra ny tanjona dia ny nanentanana an’ireo ekipa ety amin’ny seksiona hanetsiketsika ny tanàna ara-panatanjahantena ao anatin’ny andro fialantsasatra mialoha ny hidirana amin’ny fiadiana ny « championnat 2019 ». Nahatratra 40 ireo ekipa namaly ny antso, hoy izy, ka ny 20 tamin’ireo dia teo amin’ny sokajy Sénior lehilahy avokoa ary nisy ireo ekipa ivelan’ny seksiona nandray anjara. Omby natolotry ny Happy Life no natolotra an’ireo sokajy zokiny tamin’ity fifaninanana ity raha amboara natolotry ny mpiara-miombon’antoka : ny orinasa Nogae Andranomena kosa no natolotra an’ireo sokajiny zandriny.

Vokatr’ireo lalao famaranana rehetra tamin’ny sabotsy :

U 12 (F) : Asf 25 – 12 Lucadro ; U12 (G) : Cosbaimi 28 – 39 Fandrefiala

U14 (F) : Asf 49 – 47 Lucadro ; U 14 (G) : Dtsc 1 75 – 62 Fandrefiala

Vétéran (D) : Mmbc 48 – 50 Team Playliste ; Vétéran (H) : Bcr 58 – 61 Obb

Sénior (H) : Escapara 50-55 Asb ; Sénior (D) : Lucadro 73 – 49 Asf

Match de Gala : Ankarana 35 – 38 Ekipa voafantin’Ivato

Ntsoavina Evariste