Sport

Basket Asief Analamanga Hiditra amin’ny andro faha-5

Sport
Alarobia 10 Jolay 2019

Hiditra amin’ny andro faha-5 sahady ny fifaninanana fiadiana ny ho tompondakan’Analamanga eo amin’ny taranja basikety karakarain’ny ASIEF « Association Sportive Interministérielle pour l’Entretien des Fonctionnaire » amin’ity faran’ny herinandro hitsahana ity.

Araka ny resaka nifanaovana tamin’Atoa Rabemananjara Fenomanana, filohan’ny seksiona ny Basket Asief Analamanga, dia mizotra amin’ny an-tsakany sy an-davany hatreto ity fiadiana ny ho tompondakan’Analamanga ity. Hita ho mavitrika avokoa ireo ekipa rehetra miatrika an’izany ankehitriny, hoy izy, ary tena mampiseho fiaraha-mientana am-pirahalahiana eny ambony kianja avokoa. Mbola ao amin’ny kianja ivelan’i Mahamasina hatrany hatreto no hanaovana ny fifaninanana.

Vokatry ny andro faha-4 tamin’ny sabotsy 06 jolay teo

Sokajy vehivavy : Santé 61 - 23 Mppspf ; mid 29 – 36 Infa ; Maep 53 – 50 Mdn ; Dia Capsat 50 -25 Justice.

Sokajy “Jeune” : Maep 2 57 - 58 Mentep ; Mjs 61 -44 Mttm ; Infa 56 - 57 Tresor.

Sokajy “veteran” : Mesupres 39 – 61 Justice ; Mid 00 - 61 Tresor ; Ua 44 - 42 Medd ; Prm 20 – 00 Gn ; Jirama 49 - 55 Prima ; Mef 76 – 26 Meeh.

Ntsoavina Evariste